|
ਅਖ਼ਬਾਰ ਪੜ੍ਹਨ ਲਈ ਪੰਜਾਬੀ ਫਾਂਟ ਇੱਥੋਂ
ਡਾਊਂਨਲੋਡ ਕਰੋ
Click here to download Punjabi font to read
Khabarnama
| |
ਚੋਭਨਾਮਾ: ਬਾਬਾ ਬੜਬੋਲਾ
|
ਪੀਅਲ ਖੇਤਰ ਚ ਬਰੈਂਪਟਨ ਸ਼ਹਿਰ ਵਸਦਾ,
ਜਿੱਥੇ ਪੰਜਾਬੀਆਂ ਦੀ ਚੋਖੀ ਭਰਮਾਰ
ਮੀਆਂ।
ਗੋਰੇ ਭੱਜ ਗਏ ਤੇ ਬਾਕੀਆਂ
ਵੀ ਭੱਜ ਜਾਣਾ,
ਦਿਸੇ ਪੰਜਾਬੀਆਂ ਦੀ ਡਾਰ
ਦੀ ਡਾਰ ਮੀਆਂ।
ਨਾ ਦਿਨੇ ਤੁਰਨ, ਨਾ ਰਾਤਾਂ ਨੂੰ ਸੌਣ
ਦਿੰਦੇ,
ਖੌਰੇ ਕਿੱਥੋ ਆ ਗਏ ਪਟਾਕਾ-ਮਾਰ ਮੀਆਂ।
ਐਸਾ ਕਾਰ ਨੂੰ ਕੋਈ ਯੰਤਰ
ਲਗਵਾ ਲੈਂਦੇ,
ਫਿਰ ਖੋਰੂ ਪਾਉਂਦੀ ਜਾਂਦੀ
ਹੈ ਕਾਰ ਮੀਆਂ।
ਸੁਣਿਆ ਪੀਅਲ ਪੁਲਸ ਕੁੱਝ ਚੁਸਤ ਹੋਈ,
ਇੱਕ ਤਾਂ ਫੜ ਲਿਆ ਹੈ ਸੂਬੇਦਾਰ ਮੀਆਂ।
ਖੌਰੂ ਪਾਉਂਦੀਆਂ ਕਾਰਾਂ ਦੀ ਆਊ ਸ਼ਾਮਤ,
ਪੁਲਸ ਨੂੰ ਦੱਸੋ ਤਾਂ ਸਹੀ ਇਕ ਵਾਰ
ਮੀਆਂ।
ਖ਼ਬਰਨਾਮਾ #1084, ਜੁਲਾਈ 03-2020 |
ਟਰੂਡੋ ਪਤਨੀ
ਨੂੰ ਘਰ ਜਾ ਕਹਿਣ ਲੱਗਾ,
ਆ ਜਰਾ ਕੋਲ ਹੋ ਕੇ
ਮੇਰੇ ਤੂੰ ਬਹਿ ਸੋਫ਼ੀ।
ਕੋਵਿਡ-19 ਦਾ ਮਸਲਾ ਨਾ ਹੱਲ ਹੋਇਆ,
ਉਸ ਨੇ ਲਾ ਦਿੱਤੀ ਕੈਨੇਡਾ ਦੀ ਤਹਿ ਸੋਫ਼ੀ।
ਨਿੱਕੀਆਂ ਅੱਖਾਂ
ਫਿਰ ਚੀਨ ਵਿਖਾਈ ਜਾਂਦਾ,
ਜਿੰਨਪਿੰਗ ਸਿੱਧਾ
ਰਿਹਾ ਮੇਰੇ ਨਾ ਖਹਿ ਸੋਫ਼ੀ।
ਟਰੰਪ ਟੈਰਿਫ਼ ਲਾਉਣ ਨੂੰ ਫਿਰੇ ਕਾਹਲਾ,
ਸਕਦਾ ਦੋਹਾਂ ਨੂੰ ਕੁੱਝ ਵੀ ਨਾ ਕਹਿ ਸੋਫ਼ੀ।
ਐਂਵੇਂ ਸਾਧਾਂ ਵਾਗੂੰ
ਵਾਲ਼ ਵਧਾਈ ਫਿਰਦੈਂ,
ਜੇ ਨਹੀਂ ਕੱਟਣੀ
ਤਾਂ ਦਾਹੜੀ ਰੰਗ ਜੇਟੀ।
ਉਹ ਘਰ ਨਹੀਂ ਗਾ
ਜਿੱਥੇ ਤੂੰ ਰਹੇਂ ਡਰਦਾ,
ਦੇਸ਼ ਬਚਾਉਣਾ ਤਾਂ
ਲਾਹ ਦੇ ਸੰਗ ਜੇਟੀ।
ਖ਼ਬਰਨਾਮਾ #1083,
ਜੂਨ 26-2020 |
|
ਭੋਲ਼ੀ ਬੀਬੀ ਸੀ ਬਾਬੇ ਨੂੰ ਕਹਿਣ ਲੱਗੀ,
ਸਾਨੂੰ ਦਿਓ ਕੋਈ ਚੰਗੀ ਸਲਾਹ ਮੀਆਂ।
ਚੌਹਾਂ ਜੀਆਂ ਨੂੰ ਸੀ
ਬੱਤੀ ਹਜ਼ਾਰ ਲੱਭਾ,
ਉਦੋਂ ਤਾਂ ਹੋ ਗਈ ਸੀ
ਵਾਹ ਵਾਹ ਮੀਆਂ।
ਸਾਰਾ ਖਰਚ ਤਾ ਕੋਲ ਨਾ ਕੁੱਝ ਬਚਿਆ,
ਨਵਾਂ ਡਰਾਈਵੇ ਦਿੱਤਾ ਸੀ ਢਾਹ ਮੀਆਂ।
ਟੈਕਸ ਵਾਲੇ ਕਹਿੰਦੇ
ਮੋੜਨਾ ਪਊ ਸਾਰਾ,
ਚੜ੍ਹ ਗਏ ਸਾਡੇ ਤਾਂ
ਉੱਪਰ ਸਾਹ ਮੀਆਂ।
ਆਪਣੇ ਐਂਪੀਆਂ ਦੇ ਗੋਡੇ ਫੜੋ ਜਾ ਕੇ,
ਅੱਧੇ ਐਂਮਪੀ ਨੇ ਸਾਡੇ ਵਕੀਲ ਬੀਬੀ।
ਕਰਵਾ ਦੇਣਗੇ ਉਹ ਰਫ਼ਾ ਦਫ਼ਾ ਜਾਂ ਤਾਂ,
ਬਣਾ ਲੈਣਗੇ ਟਰੂਡੋ ਨਾਲ ਡੀਲ ਬੀਬੀ।
ਖ਼ਬਰਨਾਮਾ #1082, ਜੂਨ 19-2020 |
ਬਾਬਾ ਬੱਤੀ ਸੀ ਟਰੂਡੋ ਬਣਿਆ ਫਿਰਦਾ,
ਖੋਹਲ ਦਿੱਤੇ ਸੀ ਖਜ਼ਾਨੇ ਦੇ ਦਰ ਮੀਆਂ।
ਉਸ ਨੇ ਪਹਿਲਾਂ ਸੀ ਪੂਰਾ ਪ੍ਰਚਾਰ ਕੀਤਾ,
ਆ ਜਾਓ ਲੈ ਜਾਓ ਝੋਲ਼ੀਆਂ ਭਰ ਮੀਆਂ।
ਜਣੇ ਖਣੇ ਨੇ ਅਪਲਾਈ ਸੀ ਕਰ ਦਿੱਤਾ,
ਭਰੇ ਡਾਲਰਾਂ ਨਾਲ ਆਪਣੇ ਘਰ ਮੀਆਂ।
ਹੁਣ ਬਦਲ ਗਿਆ ਟਰੂਡੋ ਸੁਰ ਆਪਣੀ,
ਝੂਠੇ ਕਲੇਮਾਂ ਵਾਲੇ ਰਹੇ ਨੇ ਡਰ ਮੀਆਂ।
ਖਜ਼ਾਨਾ ਲੁਟਾਕੇ ਉਸ ਨੂੰ ਸੁਰਤ ਆਈ,
ਹੁਣ ਬੈਠਾ ਦੇਖਦਾ ਹੇਠਾਂ ਉਤਾਂਹ ਮੀਆਂ।
ਨਵਾਂ ਕਾਨੂੰਨ ਬਣਾਉਣ ਨੂੰ ਫਿਰੇ ਭੱਜਾ,
ਜਦੋਂ ਵੇਲਣੇ 'ਚ ਆ ਗਈ ਬਾਂਹ ਮੀਆਂ।
ਖ਼ਬਰਨਾਮਾ #1081, ਜੂਨ 12-2020 |
|
ਬੰਦਾ ਨੰਗਾ
ਅਤੇ ਰਹਿੰਦਾ ਸੀ ਜੰਗਲਾਂ 'ਚ,
ਲੋੜ ਜੋਗਾ ਹੀ
ਸੀ ਕਰਦਾ ਸ਼ਿਕਾਰ ਮੀਆਂ।
ਕੁਦਰਤ ਰੱਖਦੀ ਸੀ ਕਲਾਵੇ 'ਚ ਲੈ ਉਹਨੂੰ,
ਦਿੰਦੀ ਰੁੱਤਾਂ ਦੇ ਮੇਵੇ ਤੇ ਕਰੇ ਪਿਆਰ ਮੀਆਂ।
ਜਿਵੇਂ ਜਿਵੇਂ
ਉਹ ਸਰੀਰ ਨੂੰ ਗਿਆ ਢੱਕਦਾ,
ਲੱਗਾ ਕੁਦਰਤ
ਨੂੰ ਕਰਨ ਤਾਰੋ ਤਾਰ ਮੀਆਂ।
ਜੰਗਲੋਂ ਬਾਹਰ ਆ ਕੇ ਤਬਾਹੀ ਮਚਾ ਦਿੱਤੀ,
ਤਾਹੀਂਓ ਹੀ ਹੁੰਦਾ ਹੈ ਅੱਜ ਖੁਆਰ ਮੀਆਂ।
ਆਪ ਪਾਏ ਕਪੜੇ
ਤੇ ਕੁਦਰਤ ਰੋਲ਼ ਦਿੱਤੀ,
ਨਿਭਾਇਆ ਬੰਦੇ
ਨੇ ਮਾੜਾ ਕਿਰਦਾਰ ਮੀਆਂ।
ਜਿਸ ਕੁਦਰਤ
ਨੇ ਉਹਨੂੰ ਜੀਵਨ ਦਾਨ ਦਿੱਤਾ,
ਕਰੇ ਉਸ ਨਾਲ
ਹੀ ਨਿੱਤ ਬਲਤਕਾਰ ਮੀਆਂ।
ਖ਼ਬਰਨਾਮਾ #1080, ਜੂਨ 05-2020 |
ਕਦੇ ਹੁੰਦੀਆਂ ਸੀ ਘਰ ਘਰ ਵਿੱਚ ਗੱਲਾਂ,
ਬਈ ਬੜਾ ਸੱਭਿਅਕ ਕੈਨੇਡਾ ਦੇਸ਼ ਮੀਆਂ।
ਪੈਸਾ ਧੇਲਾ, ਕਾਨੂੰਨ ਅਤੇ
ਮਾਣ ਇਜ਼ਤ,
ਸੀ ਦੁਨੀਆ ਵਿੱਚ ਦਰਜਾ ਵਿਸ਼ੇਸ਼
ਮੀਆਂ।
ਇਮਾਨਦਾਰੀ ਵੀ ਹੁਣ ਤਾਂ ਲੱਭਦੀ ਨਾ,
ਦੇਖਕੇ ਲਗਦੀ ਹੈ ਮਨਾਂ ਨੂੰ ਠੇਸ ਮੀਆਂ।
ਤੂਤੀ ਬੋਲੇ ਚੋਰਾਂ ਠੱਗਾਂ ਤੇ
ਖਰੂਦੀਆਂ ਦੀ,
ਕੈਨੇਡਾ ਵਟਾ ਰਿਹਾ ਆਪਣਾ ਭੇਸ
ਮੀਆਂ।
ਮਖਮਲੀ ਖੇਸਾਂ ਹੇਠ ਲੀਡਰ ਪਏ ਸੁੱਤੇ,
ਘੁਰਾੜੇ ਸੁਣਦੇ ਸਰਹੱਦ ਤੋਂ ਪਾਰ ਮੀਆਂ।
ਸਭ ਕੁਝ ਹੁੰਦਾ ਸਰਕਾਰਾਂ ਦੇ ਨੱਕ ਹੇਠਾਂ,
ਪੁੱਛ ਬੈਠੀਏ ਤਾਂ ਜਾਂਦੇ ਟੀਟਣੇ ਮਾਰ ਮੀਆਂ।
ਖ਼ਬਰਨਾਮਾ #1079, ਮਈ 29-2020 |
|
ਪਤਨੀ ਆਖਦੀ ਮੈਂ ਕਿਹਾ ਸੀ ਸੁਣੋ ਮੇਰੀ,
ਬਹੁਤਾ ਹੋਵੇ ਨਾ ਮੈਥੋਂ ਹੁਣ ਕੰਮ
ਮੀਆਂ।
ਬਾਪੂ ਥਾਂ ਥਾਂ ਉੱਤੇ
ਭੋਰੇ ਖਿਲਾਰ ਦਿੰਦਾ,
ਜੇਹਨੂੰ ਆਖਦਾਂ ਤੂੰ ਘਰ
ਦਾ ਥੰਮ ਮੀਆਂ।
ਪੈਰ ਰੱਖਣ ਨੂੰ ਕਿਤੇ ਨਾ ਜੀਅ ਕਰਦਾ,
ਵਾਸ਼ਰੂਮਾਂ ਵਿੱਚ ਉੱਲੀ ਗਈ ਜੰਮ ਮੀਆਂ।
ਫੇਸਬੁੱਕ ਖੋਲ੍ਹਣ ਦਾ ਨਾ
ਟਾਈਮ ਲੱਗਦਾ,
ਦਿਮਾਗ ਮੇਰਾ ਤਾਂ ਹੋ
ਗਿਆ ਡੰਮ ਮੀਆਂ।
ਹੋਰਾਂ ਰੱਖੀਆਂ, ਆਪਾਂ ਵੀ ਰੱਖ ਲਈਏ,
ਚੰਗੀ ਜਿਹੀ ਕੋਈ ਘਰ ਸਫ਼ਾਈ ਵਾਲੀ।
ਟੌਹਰ ਵੱਖਰਾ ਤੇ ਕੰਮ ਤੋਂ ਜਾਨ ਛੁੱਟ
ਜੂ,
ਸੋਸ਼ਲ ਮੀਡਏ ਤੇ ਸਜੂ ਵਿਆਹੀ ਵਾਲ਼ੀ।
ਖ਼ਬਰਨਾਮਾ #1078, ਮਈ 22-2020
|
ਭਾਵੇਂ ਹਰ
ਬੰਦਾ ਕੋਰੋਨਾ ਤੋਂ ਦੁਖੀ ਇੱਥੇ,
ਬੀਬੀਆਂ ਹੋਈਆਂ
ਸਭ ਤੋਂ ਤੰਗ ਮੀਆਂ।
ਇਕ ਤਾਂ ਸਟੋਰ ਤੇ ਮਾਲ ਬੰਦ ਹੋ ਗਏ
ਔਖਾ ਹੋਇਆ ਘਰ ਕੱਟਣਾ ਡੰਗ ਮੀਆਂ।
ਬਿਊਟੀ ਪਾਰਲਰ
ਵੀ ਹੁਣ ਖੁੱਲਦੇ ਨਾ,
ਪੂਰਾ ਨਿੱਖਰੇ
ਨਾ ਰੂਪ ਤੇ ਰੰਗ ਮੀਆਂ।
ਓਧਰ ਮਹਾਰਾਜੇ ਸੋਫ਼ਿਆਂ ਤੇ ਬੈਠ ਕਰਦੇ,
ਨਵੇਂ ਨਵੇਂ ਹੀ ਪਕਵਾਨਾਂ ਦੀ ਮੰਗ ਮੀਆਂ।
ਸੁਰਖੀ ਪਾਊਡਰ
ਵੀ ਹੁਣ ਤਾਂ ਸੁੱਝਦਾ ਨਾ,
ਡਰੋਂ ਕੋਰੋਨਾ
ਦੇ ਹੁਸਨ ਗਿਆ ਉੱਡ ਮੀਆਂ।
ਰਹਿੰਦੀ ਮਾਰ
ਲਈ ਬਿਊਟੀ, ਮਾਸਕਾਂ ਨੇ,
ਔਰਤਾਂ ਕਰਨ
ਨਾ ਹੁਣ ਫੀਲ ਗੁੱਡ ਮੀਆਂ।
ਖ਼ਬਰਨਾਮਾ
#1077, ਮਈ 15-2020 |
|
ਏਅਰ ਇੰਡੀਆ
ਨੇ ਹੈ ਖ਼ਬਰ ਲਵਾ ਦਿੱਤੀ,
ਮਚ ਗਈ
ਲਿਬਰਲਾਂ ਵਿੱਚ ਭਗਦੜ ਮੀਆਂ।
ਭੱਜੋ
ਰੋਕੋ ਓਏ ਜਾ ਕੇ ਏਅਰ ਇੰਡੀਆ ਨੂੰ,
ਓਥੋਂ
ਜਾਣ ਕੈਨੇਡੀਅਨ ਵਿੱਚ ਨਾ ਚੜ੍ਹ ਮੀਆਂ।
ਮਸਾਂ ਨਿਊਟਨ
ਸਿੱਧੂ ਤੇ ਸੰਧੂ ਰੋਕਿਆ ਸੀ,
ਕਿਤੇ ਕੀਤੀ
ਕਰਾਈ ਜਾਵੇ ਨਾ ਹੜ੍ਹ ਮੀਆਂ।
ਜੇ
ਖ਼ਬਰ ਹੋ ਗਈ ਸੱਚੀ ਭਸੂੜੀ ਪੈ ਜਾਣੀ,
ਜਿਥੋਂ ਨਿਕਲੇ ਸੀ ਓਥੇ ਜਾਵਾਂਗੇ ਵੜ ਮੀਆਂ।
ਆ ਜਾਣੀ
ਲਿਬਰਲਾਂ ਦੇ ਮੂੰਹ ਕੋਹੜਕਿਰਲੀ,
ਦੇਖੋ
ਖਾਂਵਦੇ ਕਿ ਦਿੰਦੇ ਨੇ ਉਹ ਛੱਡ ਮੀਆਂ।
ਇੰਡੀਆਂ ਨੇ
ਬੱਕਰੀ ਗੁੱਲਾਂ ਤੇ ਚਾੜ ਦਿੱਤੀ,
ਲਿਬਰਲ ਰਹੇ
ਬੁੱਲਾਂ ਤੇ ਦੰਦੀਆਂ ਵੱਢ ਮੀਆਂ।
ਖ਼ਬਰਨਾਮਾ #1076, ਮਈ 07-2020
|
ਬੰਦਾ ਚੰਦ ਉੱਤੇ ਝੰਡਾ ਵੀ ਗੱਡ ਆਇਆ,
ਫਿਰਦਾ ਮੰਗਲ ਤੇ ਰੱਖਣ ਨੂੰ ਪੈਰ ਮੀਆਂ।
ਸ਼ਟਲਾਂ ਜਹਾਜ਼ ਸੈਟੇਲਾਈਟ ਬਣਾ
ਦਿੱਤੇ,
ਫਿਰੇ ਕਰਾਉਣ ਨੂੰ ਗ੍ਰਹਿਂ ਦੀ
ਸੈਰ ਮੀਆਂ।
ਵਾਯੂਮੰਡਲ ਵਿੱਚ ਕਚਰਾ ਖਿਲਾਰ ਦਿੱਤਾ,
ਹਵਾ ਪਾਣੀ ਦੀ ਵੀ ਮੰਗੀ ਨਾ ਖੈਰ ਮੀਆਂ।
ਕੈਦ ਕੁਦਰਤ ਨੂੰ ਕਰਨ ਨੂੰ ਫਿਰਦਾ
ਸੀ,
ਮਹਿੰਗਾ ਪੈ ਗਿਆ ਬੰਦੇ ਨੂੰ ਵੈਰ
ਮੀਆਂ।
ਗਲ਼ੀਆਂ ਸੜਕਾਂ ਹੋਈਆਂ ਨੇ ਸੁੰਨੀਆਂ,
ਵਿੱਚ ਫਿਰਦਾ ਹੈ ਕੋਰੋਨਾ ਦੈਂਤ ਮੀਆਂ।
ਚਾਰ ਦੀਵਾਰੀ ਵਿੱਚ ਬੰਦਾ ਕੈਦ ਕੀਤਾ,
ਜੋ ਸਮਝਦਾ ਸੀ ਖੁੱਦ ਨੂੰ ਘੈਂਟ ਮੀਆਂ।
ਖ਼ਬਰਨਾਮਾ #1076, ਮਈ 07-2020 |
|
ਹੀਰ ਆਖਦੀ ਰਾਂਝਿਆ ਜੇ ਮੰਨ
ਲੈਂਦਾ,
ਗੇੜਾ ਆਪਾਂ ਕੈਨੇਡਾ ਦਾ ਲਾ
ਲਾਉਂਦੇ।
ਜਾ ਕੇ ਕੋਰੋਨਾ
ਤੋਂ ਪਹਿਲਾਂ ਬੈਠ ਜਾਂਦੇ,
ਹਜ਼ਾਰਾਂ ਡਾਲਰ
ਖਾਤੀਂ ਪਵਾ ਆਉਂਦੇ।
ਪ੍ਰਧਾਨ ਮੰਤਰੀ ਕਹਿੰਦੇ ਬਹੁਤ
ਦਾਨੀ,
ਚਲੋ ਆਪਾਂ ਵੀ ਦਰਸ਼ਣ ਪਾ
ਆਉਂਦੇ।
ਚੌਂਹ ਮਹੀਨਿਆਂ ਚ
ਸੋਲਾਂ ਹਜ਼ਾਰ ਲੈਂਦੇ,
ਲੰਗਰ ਫਰੀ ਦਾ
ਗੁਰੂ ਘਰ ਖਾ ਆਉਂਦੇ।
ਕੱਚੇ ਪੱਕਿਆਂ ਤੋਂ ਜ਼ਿਆਦਾ
ਖੁਸ਼ ਓਥੇ,
ਲਾਟੂ ਟਰੂਡੋ ਦੇ ਨਾਮ ਦੇ ਜਗਣ
ਹੀਰੇ।
ਖੁੰਝ ਗਿਆ ਮੌਕਾ ਨੁਕਸਾਨ ਕਰਾ
ਬੈਠੇ,
ਉੱਥੇ ਪੈਸੇ ਦੀਆਂ ਨਹਿਰਾਂ
ਵਗਣ ਹੀਰੇ।
ਖ਼ਬਰਨਾਮਾ #1075, ਅਪਰੈਲ
30-2020 |
ਅਮਰੀਕਾ ਨੇ ਕੋਰੋਨਾ ਨੂੰ ਚੀਨੀ ਬਣਾ
ਛੱਡਿਆ,
ਕਿਉਂਕਿ ਇਹ ਤੁਰਿਆ ਸੀ ਪਿੰਡੋਂ ਵੁਹਾਨ
ਮੀਆਂ।
ਪਹਿਲਾਂ ਕੋਰੋਨਾ ਸਿੰਘ ਫਿਰ
ਐਨਆਰਆਈ,
ਫਿਰ ਭਾਰਤ ਵਿੱਚ ਬਣਾ ਧਰਿਆ
ਖਾਨ ਮੀਆਂ।
ਪਰ ਕੋਰੋਨਾ ਨੇ ਕੋਈ ਵੀ ਨਾ ਪੱਖਪਾਤ ਕੀਤਾ,
ਜੇਹਨੂੰ ਚਿੰਬੜਿਆ ਕੱਢੀ ਉਹਦੀ ਜਾਨ ਮੀਆਂ।
ਇਹ ਤਾਂ ਲਾੜਾ, ਹੈ ਬਰਾਤ ਵੀ
ਆਣ ਢੁੱਕਣੀ,
ਸਾਰੀ ਧਰਤੀ ਬਣ ਜਾਊਗੀ ਸ਼ਮਸ਼ਾਨ
ਮੀਆਂ।
ਸਾਰੀ ਦੁਨੀਆ ਨੂੰ ਗਿੱਚੀਓਂ ਹੈ ਆਣ ਫੜਨਾ,
ਰੋਗ ਆਊ, ਕਹਿੰਦੇ ਸੀ ਸਾਇੰਸਦਾਨ ਮੀਆਂ।
ਪਰ ਹਕੂਮਤਾਂ ਦੇ ਕੰਨਾਂ ਉੱਤੇ ਨਾ ਜੂੰ
ਸਰਕੀ,
ਤੁਰਿਆ ਪੁੱਠੇ ਪਾਸੇ ਸੀ ਇਹ ਜਹਾਨ ਮੀਆਂ।
ਖ਼ਬਰਨਾਮਾ #1074, ਅਪਰੈਲ 24-2020 |
|
ਹੱਸਦੀ ਗਾਉਂਦੀ ਫਿਰਦੀ ਸੀ ਏਹ ਦੁਨੀਆ,
ਫਿੱਕੇ ਪਾ ਦਿੱਤੇ ਕੁਦਰਤ ਨੇ ਰੰਗ
ਬੰਦਿਆ।
ਕੋਰੋਨਾ
ਨਾਂ ਦਾ ਅਣਦਿੱਸ ਯਮਦੂਤ ਛੱਡਕੇ,
ਵਿੱਢੀ
ਬੰਦੇ ਨਾਲ ਸਿੱਧੀ ਹੈ ਜੰਗ ਬੰਦਿਆ।
ਸਾਰੇ ਧਰਮ, ਭਰਮ ਵੀ ਖੁੱਢੀਂ ਵਾੜ
ਦਿੱਤੇ,
ਹੋ ਗਈ ਸਾਇੰਸ ਵੀ ਦੇਖਕੇ ਦੰਗ ਬੰਦਿਆ।
ਕੁਦਰਤ
ਹੋ ਜਾਵੇ ਜਦੋਂ ਕਰੋਪ ਸੁਣਿਆ,
ਲਭਦਾ
ਬਚਣ ਦਾ ਕੋਈ ਨਾ ਢੰਗ ਬੰਦਿਆ।
ਸਮਝ ਅਜੇ ਵੀ, ਕਰ ਨਾ ਮਨ ਆਈਆਂ,
ਇਹ ਕੁਦਰਤ ਹੈ ਬੜੀ ਬਲਵਾਨ ਬੰਦਿਆ।
ਨਾ ਕਰ ਕੁਦਰਤ ਨਾਲ ਖਿਲਵਾੜ ਐਨਾ,
ਤੇਰਾ ਮਿਟ ਜਾਊ ਨਾਮੋ-ਨਿਸ਼ਾਨ ਬੰਦਿਆ।
ਖ਼ਬਰਨਾਮਾ
#1073, ਅਪਰੈਲ 17-2020 |
ਪ੍ਰਧਾਨ ਮੰਤਰੀ ਜੋ ਕੈਪਟਨ ਲਿਬਰਲਾਂ ਦਾ,
ਵੜ ਗਿਆ ਅੰਦਰ ਕੋਰੋਨਾ ਤੋਂ ਡਰ ਮੀਆਂ।
ਲਿਖੇ ਲਿਖਾਏ ਹੀ
ਭਾਸ਼ਣ ਨੂੰ ਪੜ੍ਹ ਕੇ ਉਹ,
ਝੱਟ ਬੰਦ
ਕਰ ਲੈਂਦਾ ਆਪਣਾ ਦਰ ਮੀਆਂ।
ਓਧਰ ਬੁੱਢੇ ਟਰੰਪ ਵਰਗੇ ਫਿਰਨ ਬੁੱਕਦੇ,
ਜਿਹੜੇ ਬਹਿੰਦੇ ਨਾ ਪਲ ਭਰ ਘਰ ਮੀਆਂ।
ਇਹ ਘਰਵਾਲੀ
ਦੇ ਸਿਰਹਾਣੇ ਰਹੇ ਬੈਠਾ,
ਕਰਨਾ
ਕੋਰੋਨਾ ਦਾ ਕਿਲ੍ਹਾ ਕੀ ਸਰ ਮੀਆਂ।
ਕਰੋਨਾ ਫਰੰਟ 'ਤੇ ਟਰੂਡੋ ਫੇਲ੍ਹ ਹੋਇਆ,
ਦਿੱਤਾ ਕੋਰੋਨਾ ਨੇ ਕਹਿਰ ਵਰਤਾ ਮੀਆਂ।
ਮੈ ਨਾ ਮਾਨੂੰ ਦੀ ਰੱਟ ਉਹਨੇ ਲਾਈ ਰੱਖੀ,
ਦਿੱਤਾ ਕੈਨੇਡਾ ਦਾ ਕੂੰਡਾ ਕਰਵਾ ਮੀਆਂ।
ਖ਼ਬਰਨਾਮਾ #1072, ਅਪਰੈਲ 10-2020 |
|
ਕੋਰੋਨਾ ਵਾਇਰਸ ਨੇ ਕਹਿਰ ਮਚਾ ਦਿੱਤਾ,
ਵੱਡੀ ਆਫ਼ਤ ਵਿੱਚ ਫਸਿਆ ਸੰਸਾਰ ਮੀਆਂ।
ਪਤਾ
ਲੱਗੇ ਨਾ ਕੀ ਕਿਵੇਂ ਤੇ ਆਇਆ ਕਿੱਥੋਂ,
ਕਿਹੜਾ
ਇਸ ਦਾ ਹੈ ਜੱਦੀ ਪ੍ਰੀਵਾਰ ਮੀਆਂ।
ਚੀਨ ਅਮਰੀਕਾ ਤੇ ਉਂਗਲ ਉਠਾਈ ਜਾਂਦਾ,
ਅਮਰੀਕਾ ਚੀਨ ਨਾਲ ਜੋੜਦਾ ਤਾਰ ਮੀਆਂ।
ਖਿੱਚੋਤਾਣ ਹੁਣ ਦੇਸ਼ਾਂ ਵਿੱਚ ਹੈ ਵਧੀ ਜਾਂਦੀ,
ਬਦਲਾ
ਲੈਣ ਨੂੰ ਹੋਣ ਲੱਗੇ ਤਿਆਰ ਮੀਆਂ।
ਦੇਸ਼ ਦੇਸ਼ਾਂ ਨਾਲੋਂ ਅਤੇ ਲੋਕ ਲੋਕਾਂ
ਨਾਲੋਂ,
ਲੰਘਣ ਲਗ ਪਏ ਨੇ ਮੂੰਹ ਮਰੋੜ ਮੀਆਂ।
ਹੁਣ ਤਾਂ ਮਰਿਆਂ ਦੇ ਮਗਰ ਨਾ ਕੋਈ
ਜਾਂਦਾ,
ਰਿਸ਼ੇਤਦਾਰ ਵੀ ਨਾਤੇ ਗਏ ਨੇ ਤੋੜ ਮੀਆਂ।
ਖ਼ਬਰਨਾਮਾ #1071, ਅਪਰੈਲ 03-2020 |
ਗਲੋਬੀ ਗਲੋਬਲ ਪਿੰਡ ਕਰਦੀ ਸੀ ਦੁਨੀਆ,
ਚੰਦ ਗਲੋਬਲ ਪਿੰਡ ਨੇ ਦਿੱਤਾ ਚਾੜ੍ਹ ਮੀਆਂ।
ਕੋਰੋਨਾ ਵਾਇਰਸ ਜੋ ਚੀਨ ਤੋਂ
ਸ਼ੁਰੂ ਹੋਇਆ,
ਸਾਰੀ ਦੁਨੀਆ ਦੇ ਵਿੱਚ ਦਿੱਤਾ
ਵਾੜ ਮੀਆਂ।
ਲੱਖਾਂ ਲੋਕ ਬਿਮਾਰ ਤੇ ਹਜ਼ਾਰਾਂ ਮਾਰ ਦਿੱਤੇ,
ਅਜੇ ਫੜੀ ਗਈ ਨਾ ਇਸ ਦੀ ਨਾੜ ਮੀਆਂ।
ਗਲੋਬ ਚੋਂ ਧਰਮ ਨਾ ਕੋਈ ਮੂਹਰੇ
ਆਇਆ,
ਜਿਹੜਾ ਲਵੇ ਏਹਨੂੰ ਬੋਤਲ ਚ
ਤਾੜ ਮੀਆਂ।
ਭਾਵੇਂ ਅਰਥਚਾਰਾ ਤੇ ਭਾਵੇਂ ਹੈ ਸਿਹਤਚਾਰਾ,
ਭਾਈਚਾਰਾ ਵੀ ਦਿੱਤਾ ਇਸ ਨੇ ਰੋਲ਼ ਮੀਆਂ।
ਗਲੋਬਲ ਪਿੰਡ ਤੋਂ ਲੋਕ ਹੁਣ ਡਰਨ ਲੱਗੇ,
ਲੇਕਿਨ ਹੱਲ ਹੈ ਨਹੀਂ ਕਿਸੇ ਦੇ ਕੋਲ਼ ਮੀਆਂ।
ਖ਼ਬਰਨਾਮਾ #1070, ਮਾਰਚ 27-2020 |
|
ਹੁਣ ਪਤੀ ਪਤਨੀ ਨਾ ਸੌਂਦੇ ਇੱਕ ਮੰਜੇ,
ਰੁੱਸ 'ਕੱਲੇ ਸੌਂਣ ਦੀ ਨੋਬਤ ਗਈ ਮੀਆਂ।
ਸਰਕਾਰਾਂ
ਦੀ ਨੀਂਦ ਹਰਾਮ ਹੋ ਗਈ,
ਭਾਸ਼ਣ
ਦਿੰਦੀਆਂ ਵੈਰਾਗਮਈ ਮੀਆਂ।
ਕੋਈ ਵੀ ਕਿਸੇ ਦੀ ਨਾ ਪ੍ਰਵਾਹ ਕਰਦਾ,
ਸਭ ਨੂੰ ਆਪੋ ਆਪਣੀ ਹੈ ਪਈ ਮੀਆਂ।
ਕੋਰੋਨਾ ਵਾਇਰਸ ਨੇ ਵਿਛੋੜੇ
ਪਾ ਦਿੱਤੇ,
ਹੇਠਲਾ ਛੰਦ ਹੈ ਟਰੂਡੋ ਦੇ
ਲਈ ਮੀਆਂ।
ਘਰਵਾਲੀ ਹੋ ਜਾਏ ਬਿਮਾਰ ਜਿਸ ਦੀ,
ਫਿਰ ਵੀ ਨਾ ਆਵੇ ਜੇਹਨੂੰ ਸਮਝ ਮੀਆਂ।
ਉਹਨੂੰ 'ਬੁੱਧੂ' ਪੰਜਾਬੀ ਦੇ ਵਿੱਚ
ਕਹਿੰਦੇ,
ਜਾਣ ਲਓ ਬਾਬੇ ਦੀ ਗੁੱਝੀ ਰਮਜ਼ ਮੀਆਂ।
ਖ਼ਬਰਨਾਮਾ
#1069, ਮਾਰਚ 20-2020 |
ਪਤਨੀ ਟਰੂਡੋ ਦੀ ਸੋਫ਼ੀ ਨਾਮ ਜੀਹਦਾ,
ਉਹ ਵੀ ਲਈ ਕੋਰੋਨਾ ਨੇ ਘੇਰ ਮੀਆਂ।
ਕਹਿੰਦੇ ਮੁੜੀ ਸੀ ਉਹ
ਇੰਗਲੈਂਡ ਵੱਲੋਂ,
ਕਰਕੇ ਡਾਲਰਾਂ ਦੇ ਇਕੱਠੇ ਢੇਰ
ਮੀਆਂ।
ਵੱਡੇ ਇਕੱਠ ਤੇ ਸਕੂਲ ਹੁਣ ਬੰਦ ਕੀਤੇ,
ਦਿਨੇ ਕੋਰੋਨਾ ਨੇ ਪਾਇਆ ਹਨੇਰ ਮੀਆਂ।
ਲੋਕ ਹੱਥ ਮਿਲਾਉਣ,ਗੱਲ਼ੇ ਲਾਉਣ
ਭੁੱਲੇ,
ਹੱਥ ਜੋੜ ਕਹਿਣ 'ਸ਼ੁੱਭ ਸਵੇਰ'
ਮੀਆਂ।
ਗੋਰਿਆਂ ਟਿਸ਼ੂਆਂ ਤੇ ਸੈਨੇਟਾਈਜ਼ਰਾਂ ਦਾ,
ਪਾਇਆ ਸਟੋਰਾਂ ਦੇ ਵਿੱਚ ਕਾਲ਼ ਮੀਆਂ।
ਦੇਸੀ ਆਟਾ, ਬਟਰ ਅਤੇ ਤੇਲ ਤੁੜਕਾ,
ਚੁੱਕੀ ਆਉਂਦੇ ਮਸਰਾਂ ਦੀ ਦਾਲ਼ ਮੀਆਂ।
ਖ਼ਬਰਨਾਮਾ #1068, ਮਾਰਚ 13-2020 |
|
ਕੋਰੋਨਾ ਵਾਇਰਸ ਦਾ ਪਰਕੋਪ ਜਾਰੀ,
ਭੈਭੀਤ ਹੋ ਗਏ ਨੇ ਸਾਰੇ ਦੇਸ਼ ਮੀਆਂ।
ਕਾਬੂ
ਦੇ ਵਿੱਚ ਨਾ ਅਜੇ ਇਹ ਆਉਂਦਾ,
ਵਧੀ
ਜਾਂਦੇ ਨੇ ਦਿਨੋ ਦਿਨ ਕੇਸ ਮੀਆਂ।
ਕਹਿੰਦੇ ਬੜਾ ਭੈੜਾ ਹੈ ਇਹ ਵਾਇਰਸ,
ਬਦਲੀ ਜਾਂਦਾ ਹੈ ਆਪਣਾ ਭੇਸ ਮੀਆਂ।
ਦਵਾਈ
ਬਣੀ ਨਾ ਅਜੇ ਤੱਕ ਇਹਦੀ,
ਭਾਵੇਂ
ਕੰਪਨੀਆਂ ਨੇ ਲਾਈ ਰੇਸ ਮੀਆਂ।
ਟਰੂਡੋ ਸਰਕਾਰ ਹੈ ਲਾ ਪਰਵਾਹ ਬੈਠੀ,
ਖੋਲਿਆ ਸੈਂਟਰ ਨਾ ਅਜੇ ਕੋਈ ਮੀਆਂ।
ਕਿਤੇ ਸੰਟਕਮੋਚਨ ਕੇਂਦਰ ਬਣਾ ਦਿੰਦੇ,
ਜਿੱਥੇ ਮਰੀਜਾਂ ਨੂੰ ਮਿਲਦੀ ਢੋਈ ਮੀਆਂ।
ਖ਼ਬਰਨਾਮਾ #1067, ਮਾਰਚ 06-2020 |
ਕੋਰੋਨਾ ਵਾਇਰਸ ਦੀ ਖ਼ਬਰ ਨਾ ਬਾਹਰ ਆਵੇ,
ਲਈ ਹੈ ਚੀਨ ਨੇ ਹੁਣ ਵੱਡੀ ਚੁੱਪ ਵੱਟ ਮੀਆਂ।
ਕਹਿੰਦੇ ਸਾਡੇ ਤਾਂ ਬਿਮਾਰੀ
ਹੁਣ ਖਤਮ ਸਮਝੋ
ਬਾਕੀ ਦੁਨੀਆ ਹੁਣ ਪਾਈ ਵੱਟੋ
ਵੱਟ ਮੀਆਂ।
ਇਟਲੀ ਅਮਰੀਕਾ ਤੇ ਜਰਮਨੀ ਕੋਰੀਆ ਵੀ,
ਬਚ ਅਤੇ ਬਚਾਅ ਦੀ ਲਾਉਂਦੇ ਨੇ ਰੱਟ ਮੀਆਂ।
ਜੇ ਕਾਬੂ ਹੋਇਆ ਨਾ ਅੱਥਰਾ ਇਹ
ਵਾਇਰਸ,
ਫਿਰ ਅੱਧੀ ਦੁਨੀਆ ਨੂੰ ਜਾਊਗਾ
ਚੱਟ ਮੀਆਂ।
ਲੋੜੀਂਦੀਆਂ ਦਵਾਈਆਂ ਅਤੇ ਗਰੌਸਰੀ ਨਾਲ,
ਹੁਣੇ ਆਪਣੇ ਘਰ ਦੇ ਭਾਂਡੇ ਲਓ ਭਰ ਮੀਆਂ।
ਮਹੀਨਾ ਖੰਡ ਵੀ ਜੇ ਅੰਦਰ ਪੈ ਜਾਏ ਰਹਿਣਾ,
ਜਾਵੇ ਅੰਦਰੋ ਅੰਦਰੀਂ ਹੀ ਤੁਹਾਡਾ ਸਰ ਮੀਆਂ।
ਖ਼ਬਰਨਾਮਾ #1066, ਫਰਵਰੀ 27-2020 |
|
ਟਰੂਡੋ ਸੁੱਤਿਆ ਉਠ ਜਾਗ ਹੁਣ ਤਾਂ,
ਕੈਨੇਡਾ ਪਿਆ ਹੈ ਅੱਧਾ ਬੰਦ ਮੀਆਂ।
ਰੇਲਾਂ ਰੁਕੀਆਂ, ਕਾਮੇ
ਹੋਏ ਵਿਹਲੇ,
ਪਰ ਤੇਰੇ ਜੁੜੇ ਪਏ ਨੇ
ਦੰਦ ਮੀਆਂ।
ਧਰਨੇਮਾਰਾਂ ਨੇ ਹੈ ਪੱਕੇ ਲਾਏ ਧਰਨੇ,
ਚਾੜ ਦੇਣ ਨਾ ਨਵਾਂ ਹੀ ਚੰਦ ਮੀਆਂ।
ਤੂੰ ਘਾਟੇ ਵਾਧੇ ਵੋਟਾਂ
ਦੇ ਫਿਰ ਸੋਚੀਂ,
ਨਹੀਂ ਲੋਕ ਦੇਣਗੇ ਤੈਨੂੰ
ਰੰਦ ਮੀਆਂ।
ਸੜਕਾਂ ਰੋਕਣ ਦਾ ਇਹ ਵਾਇਰਸ,
ਕਰੋਨਾ ਤੋਂ ਵੀ ਹੈ ਖਤਰਨਾਕ ਮੀਆਂ।
ਚੱਲਦੀ ਜ਼ਿੰਦਗੀ ਥਾਏਂ ਰੁੱਕ ਜਾਂਦੀ,
ਬਹੁਤ ਤੰਗ ਨੇ ਭਾਰਤ ਪਾਕ ਮੀਆਂ।
ਖ਼ਬਰਨਾਮਾ
#1065, ਫਰਵਰੀ 21-2020 |
ਕੇਜਰੀਵਾਲ ਨੇ
ਜਿੱਤ ਲਈ ਫਿਰ ਦਿੱਲੀ,
ਬਦੇਸ਼ੀਆਂ ਲਏ ਫਿਰ
ਤੰਬੇ ਚੁੱਕ ਮੀਆਂ।
ਕਹਿੰਦੇ
ਪੰਜਾਬ 'ਚ ਗੱਡਾਂਗੇ ਫਿਰ ਝੰਡੇ,
ਚੋਣਾ
ਲੈਣ ਦਿਓ ਇਕ ਵਾਰ ਢੁੱਕ ਮੀਆਂ।
ਕਈ ਵਧਾਈਆਂ ਦੇਣ
ਚੜ੍ਹ ਪਏ ਦਿੱਲੀ,
ਲਾਕੇ ਅੱਡੀਆਂ ਨੂੰ
ਚੀਕਣਾ ਥੁੱਕ ਮੀਆਂ।
ਅੱਗੋਂ
ਦੇਖੋ ਕੇਜਰੀਵਾਲ ਹੈ ਕੀ ਕਹਿੰਦਾ,
ਜੇਹਨੂੰ
ਪਹੁੰਚੇ ਨਾ ਡਾਲਰ ਦੇ ਬੁੱਕ ਮੀਆਂ।
ਈਮੇਲਾਂ ਵੀ ਡਾਲਰਾਂ
ਲਈ ਰਿਹਾ ਕਰਦਾ,
ਪਰ ਬਦੇਸ਼ੀਆਂ ਨੇ
ਧਾਰੀ ਸੀ ਚੁੱਪ ਮੀਆਂ।
ਪਾਕੇ ਦਲਾਲਾਂ ਨੂੰ
ਚੱਲੂ ਫਿਰ ਚਾਲ ਕੋਈ,
ਪੰਜਾਬ ਦੇ ਨਾਂ
'ਤੇ ਕਰੂ ਗੰਢਤੁੱਪ ਮੀਆਂ।
ਖ਼ਬਰਨਾਮਾ
#1064,
ਫਰਵਰੀ
14-2020 |
|
ਰੌਲ਼ਾ ਅਮਰੀਕਾ 'ਚ ਜੋ ਸੀ ਪਈ ਜਾਂਦਾ,
ਗਿਆ ਟਰੰਪ ਦੀ ਜਿੱਤ ਨਾਲ ਮੁੱਕ ਮੀਆਂ।
ਡੈਮੋਕਰੈਟਾਂ ਦੀ ਹੋ ਗਈ ਹੈ
ਪੋਚ ਫੱਟੀ,
ਬਣ ਗਈ ਟਰੰਪ ਦੀ ਸਗੋਂ ਠੁੱਕ
ਮੀਆਂ।
ਨੈਨਸੀ ਪਲੋਸੀ ਨੂੰ ਮਾਂਝ ਕੇ ਰੱਖ
ਦਿੱਤਾ,
ਜੋ ਰਹੀ ਸੀ ਮੋਢਿਆਂ ਤੋਂ ਦੀ ਥੁੱਕ
ਮੀਆਂ।
ਲਾਹੁੰਦੀ ਲਾਹੁੰਦੀ ਟਰੰਪ ਨੂੰ
ਗੱਦੀ ਉਪਰੋਂ,
ਉਹ ਪਵਾ ਬੈਠੀ ਹੈ ਕਸੂਤੀ
ਚੁੱਕ ਮੀਆਂ।
ਰੀਪਬਲੀਕਨ ਪਹਿਲਾਂ ਨਾਲੋਂ ਮਜਬੂਤ
ਹੋਏ,
ਡੈਮੋਕਰੈਟ ਪਛੜ ਗਏ ਕਈ ਮੀਲ ਮੀਆਂ।
ਲੋਕ ਟਰੰਪ ਦੇ ਨਾਲ ਸਗੋਂ ਹੋਰ ਜੁੜ
ਗਏ,
ਪੁੱਠੀ ਪਈ ਲਾਈ ਹਿਲਰੀ ਦੀ ਤੀਲ ਮੀਆਂ।
ਖ਼ਬਰਨਾਮਾ #1063, ਫਰਵਰੀ 07-2020 |
ਮਾਸਟਰਕਾਰਡ ਅਮਰੀਕਾ ਦੀ ਕੰਪਨੀ ਜੋ,
ਪੂਰੀ ਦੁਨੀਆ ਦੇ ਵਿੱਚ ਹੈ ਛਾਈ ਮੀਆਂ।
ਅਰਬਾਂ ਖਰਬਾਂ
ਦਾ ਜਿਸ ਦਾ ਹੈ ਬਿਜਨਸ,
ਉਹਨੇ ਟਰੂਡੋ
ਨਾਲ ਅੱਖ ਲੜਾਈ ਮੀਆਂ।
ਨਾ ਅੱਗਾ ਦੇਖਿਆ ਟਰੂਡੋ ਨੇ ਨਾ ਪਿੱਛਾ,
ਜਾ ਕੇ ਧਾਹ ਗਲਵਕੜੀ ਪਾਈ ਮੀਆਂ।
ਪੰਜਾਹ ਮਿਲੀਅਨ ਡਾਲਰ ਦੇ ਆਇਆ,
ਰੱਜੀ
ਕੰਪਨੀ ਹੈ ਹੋਰ ਰਜਾਈ ਮੀਆਂ।
ਲਾਬ ਲਾਅਜ਼ ਬਲੈਕਬਰੀ ਵਰਗਿਆਂ ਨੂੰ,
ਮਿਲੀਅਨ ਡਾਲਰ ਹੈ ਦਿੱਤੇ ਵੰਡ ਮੀਆਂ।
ਪੈਸਾ ਲੋਕਾਂ ਦਾ, ਟੌਹਰ ਲਿਬਰਲਾਂ ਦੀ,
ਵੰਡੀ ਜਾਂਦੇ ਹਨ ਪੰਡਾਂ ਦੀ ਪੰਡ ਮੀਆਂ।
ਖ਼ਬਰਨਾਮਾ #1062, ਜਨਵਰੀ 31-2020
|
|
ਬਰੈਂਪਟਨ ਕੌਂਸਲ ਨੇ ਨਿਰਾਲਾ ਕੰਮ ਕਰਕੇ,
ਦਿੱਤੀ ਮੈਡੀਕਲ ਐਂਮਰਜੈਂਸੀ ਐਲਾਨ ਮੀਆਂ।
ਕਹਿੰਦੇ ਵੀਹ ਸਾਲਾਂ ਤੋਂ ਅਸੀਂ ਮੰਗ
ਕਰਦੇ,
ਸਰਕਾਰਾਂ ਦੇਣ ਨਾ ਏਧਰ ਧਿਆਨ ਮੀਆਂ।
ਮਰੀਜ਼ ਬਰੈਂਪਟਨ ਦੇ ਚੱਕੀ ਦੇ ਵਿੱਚ ਪਿੱਸਦੇ,
ਫਸੀ ਰਾਜਸੀ ਖੇਡ 'ਚ ਉਨ੍ਹਾਂ ਦੀ ਜਾਨ ਮੀਆਂ।
ਐਂਮਰਜੈਂਸੀ ਐਲਾਨਣੀ ਵੀ ਖੇਡ ਦਾ ਹੈ
ਹਿੱਸਾ,
ਇਹ ਵੀ ਚਾਤਰਾਂ ਦਾ ਚਤੁਰ ਬਿਆਨ ਮੀਆਂ।
ਚਾਹੀਦਾ ਕੌਂਸਲ ਨੂੰ ਟਰੂਡੋ ਨੂੰ ਕਹਿ ਕਹਾਕੇ,
ਬਰੈਂਪਟਨ ਵਿੱਚ ਹੁਣ ਸੱਦ ਲਵੇ ਫੌਜ ਮੀਆਂ।
ਤੰਬੂ ਗੱਡ ਕੇ ਮਰੀਜ਼ਾਂ ਦੇ ਉਹ ਲਾਉਣ ਟੀਕੇ,
ਡਾਕਟਰ ਨਰਸਾਂ ਦੀ ਲੱਗ ਜਾਊ ਮੌਜ ਮੀਆਂ।
ਖ਼ਬਰਨਾਮਾ #1061, ਜਨਵਰੀ 24-2020 |
ਨੈਨਸੀ ਪਲੋਸੀ ਨੇ
ਪਲੋਸ ਕੇ ਹੋਰਨਾਂ ਨੂੰ,
ਟਰੰਪ ਵਿਰੁੱਧ ਹੈ
ਚੱਲ ਲਈ ਚਾਲ ਮੀਆਂ।
ਹਿਲਰੀ
ਦੀ ਹਾਰ ਦਾ ਬਦਲਾ ਲੈਣ ਲਈ,
ਮਹਾਂਦੋਸ਼ ਦਾ ਬੁਣ ਲਿਆ ਹੈ ਜਾਲ਼ ਮੀਆਂ।
ਕੇਸ ਟਰੰਪ ਦਾ ਹੁਣ
ਸੈਨੇਟ ਨੂੰ ਭੇਜ ਦਿੱਤਾ,
ਹੋਣਾ ਵਿੰਗਾ ਨਹੀਂ
ਟਰੰਪ ਦਾ ਵਾਲ਼ ਮੀਆਂ।
ਅਗਲੀਆਂ
ਚੋਣਾਂ
ਵਿੱਚ ਟਰੰਪ ਜਿੱਤ ਜਾਣਾ,
ਨਹੀਂ
ਗਲ਼ਣੀ ਵਿਰੋਧੀਆਂ ਦੀ ਦਾਲ ਮੀਆਂ।
ਖੁਸ਼ ਟਰੰਪ ਤੋਂ
ਅਮਰੀਕਾ ਦੇ ਲੋਕ ਸੁਣਿਆਂ,
ਕਹਿੰਦੇ ਲੀਡਰ
ਚਾਹੀਦਾ ਪੂਰਾ ਘੈਂਟ ਮੀਆਂ।
ਦੁੱਕੀ ਤਿੱਕੀ ਦੀ
ਨਾ ਕਰੇ ਪਰਵਾਹ ਜਿਹੜਾ,
ਦੇਵੇ ਵਿਰੋਧੀਆਂ
ਨੂੰ ਮਿੰਟਾਂ 'ਚ ਫੈਂਟ ਮੀਆਂ।
ਖ਼ਬਰਨਾਮਾ
#1060, ਜਨਵਰੀ
17-2020 |
|
ਜਦੋਂ ਮਾਰੇ
ਸੀ ਟਰੰਪ ਨੇ ਖਿੱਚ ਦਬਕੇ,
ਹੋ ਗਏ ਲੋਕਾਂ
ਦੇ ਖੜੇ ਸੀ ਲੂੰ ਮੀਆਂ।
ਕਹਿੰਦਾ ਇਰਾਨ ਦੀ ਫੱਟੀ ਪੋਚ ਦੇਣੀ,
ਜੇ ਕੀਤੀ ਰਤਾ ਵੀ ਉਸ ਨੇ ਚੂੰ ਮੀਆਂ।
ਜਰਨੈਲ ਮਾਰਿਆ
ਕਰਾਂਗੇ ਹੋਰ ਹਮਲੇ,
ਰਾਕਟ ਲੰਘਣਗੇ
ਉਪਰੋਂ ਛੂੰ ਛੂੰ ਮੀਆਂ।
ਡਰਦੇ ਮਾਰੇ ਦੁਨੀਆ ਸੀ ਸੁੰਨ ਹੋਈ,
ਧਿਆਉਣ ਲੱਗੀ 'ਤੂੰ ਹੀ ਤੂੰ' ਮੀਆਂ।
ਜਦ ਇਰਾਨ ਨੇ
ਮੂਹਰਿਓਂ ਬੰਬ ਸੁੱਟੇ,
ਹੋਈ ਟਰੰਪ ਦੀ
ਬੋਲਤੀ ਬੰਦ ਮੀਆਂ।
ਮਹਾਨ ਦੇਸ
ਇਰਾਨ ਨੂੰ ਕਹਿ ਦਿੱਤਾ,
ਸੁਣਕੇ ਲੋਕਾਂ
ਦੇ ਜੁੜਗੇ ਦੰਦ ਮੀਆਂ।
ਖ਼ਬਰਨਾਮਾ
#1059, ਜਨਵਰੀ
10-2020
|
ਅਸੀਂ ਕਰਾਂਗੇਂ ਸਪਾਂਸਰ ਮਾਪਿਆਂ
ਨੂੰ,
ਬੜੀ ਹੀ ਲੋਕਾਂ ਨੂੰ ਸੀ ਆਸ ਮੀਆਂ।
ਜੋ
ਪਿਛਲੇ ਸਾਲ ਨਾਕਾਮ ਰਹਿ ਗਏ,
ਸੋਚਦੇ
ਸੀ ਆਊ ਲੀਲਾ ਰਾਸ ਮੀਆਂ।
ਬੜੀਆਂ ਹੀ ਉਮੀਦਾਂ ਸੀ ਲਾਈ ਬੈਠੇ,
ਟਰੂਡੋ ਬਣਾਊਗਾ ਨੀਤੀ ਖਾਸ ਮੀਆਂ।
ਹੁਣ
ਟਰੂਡੋ ਨੇ ਝੱਗਾ ਹੀ ਚੁੱਕ ਦਿੱਤਾ,
ਨਾਲ
ਹੀ ਹੋ ਗਏ ਲੋਕ ਉਦਾਸ ਮੀਆਂ।
ਆਮਦਨਾਂ ਬਣਾਈਆਂ ਰਹਿ ਗਈਆਂ,
ਟੈਕਸ ਭਰੇ ਵੀ ਕੰਮ ਨਾ ਆਏ ਮੀਆਂ।
ਹੁਣ ਟਰੂਡੋ ਦੀ ਮਾਂ ਭੈਣ ਇਕ ਕਰਦੇ,
ਕਹਿੰਦੇ ਟਰੂਡੋ ਨੇ ਬੜੇ ਸਤਾਏ ਮੀਆਂ।
ਖ਼ਬਰਨਾਮਾ #1058, ਜਨਵਰੀ 03-2020 |
ਪੁਰਾਣੇ ਲੇਖ ਪੜ੍ਹਨ ਲਈ ਇੱਥੇ ਕਲਿੱਕ ਕਰੋ
|
